Криштиану Роналду хитойлик ёш футболчиларга бутса совға қилди + ФОТО

Жамоанинг асосий юлдузи Криштиану Роналду эса "Nike" компанияси билан ҳамкорликда Хитойда биринчи индивидуаль промо-турини ўтказди. "Nike" Хитой Супер лигасида иштирок этувчи жамоаларнинг барчасини форма билан таъминлайди. Эсингизда бўлса, португалиялик футболчи ҳамюртимиз Одил Аҳмедов тўп тепадиган "Шанхай СИПГ" ва "Гуанчжоу Эвергранд" жамоалари ўртасидаги учрашувга ҳам ташриф буюрган эди.

Шанхайдан Пекинга келгач, Роналду CR7 Mercurial Campeões янги бутсасининг тақдимотини ўтказди. Кейин эса хитойлик ёш футболчиларга ана шу бутсалардан совға қилди. Бутсанинг товон қисмига Португалия байроғи туширилган.

Бутсаларни топшириш жараёнида Кришти ёш футболчиларга ҳамиша қаттиқ мехнат ва машқ қилишни тавсия қилди.