Криштиану Роналду: “Россиянинг мағлубияти огоҳлантирувчи қўнғироқ бўлиб хизмат қилади”

Чоршанба куни россияликлар кутилмаганда Белфастда 0:1 ҳисобида ютқазиб гуруҳда етакчиликни қайтариб олиш имкониятини йўқотишди. Бу натижадан кейин португалияликлар жадвалда биринчи ўринда қолишди.

“Россиянинг мағлубияти бизга асос бўлади, шу билан бирга бу бизга огоҳлантирувчи қўнғироқ бўлиши ҳам мумкин, ахир бизнинг кейинги ўйинимиз Шимолий Ирландияга қарши бўлиб ўтади. Осон бўлмаслиги аниқ. Россияликлар яхши ўйнашаётганди лекин мағлубиятга учрашди”, - дейди Роналду.

Португалия чоршанба куни Голландияга қарши ўртоқлик учрашуви ўтказди. Учрашувнинг каттагина қисмида “Европа Бразилияси” ҳисобда орқада бораётганди, лекин ўйиннинг охирларида Криштианунинг голи туфайли мағлубиятдан қутулиб қолди - 1:1.

“Бу кучли рақибга қарши, жуда муҳим ўйин бўлди. Шахсан менга кучсизроқ жамоаларга қараганда бундай жамоаларга қарши ўйнаш кўпроқ ёқади. Яхши ўйин ўтказдик, йигитларнинг кўриниши жуда яхши ва биз ғалаба лойиқ эдик, голландларга қараганда кучлироқ кўриндик”, - дейди Роналду.

Жавлонбек Юсупов таржимаси