Криштиану Роналду АПЛ жамоаси билан бир ойлик шартнома имзолаши мумкин

Португалиялик футболчи клублар ўртасидаги ЖЧда иштирок этиш учун «Челси» ёки «Манчестер Сити» билан бир ойлик шартнома тузиши мумкин. Бу ҳақида Sky Sport нашри хабар бермоқда.

Эслатиб ўтамиз, 40 ёшли футболчи жорий мавсум Саудия Арабистони чемпионатида 24 та учрашувда майдонга тушди. Унинг ҳисобида 19 та гол ва 3 та голли узатма бор. 

Клублар ўртасидаги жаҳон чемпионати 15 июндан 13 июлга қадар АҚШда ўтказилади.