Крис ван Пуйвельде болалар футболи мутахассислари учун тақдимот ўтказди

Бугун куннинг иккинчи ярмида Крис ван Пуйвельде юртимиздаги болалар ва ўсмирлар футболи бўйича мутахассислар учун тақдимот ўтказди.

Тақдимотда ЎФФ масъул ходимлари, юртимизда болалар ва ўсмирлар футболи бўйича фаолият олиб бораётган мутахассислар ва ОАВ ходимлари иштирок этишди.

Крис ван Пуйвельде Бельгияда йиғилганларга болалар футболи ва оммавий футболни ривожлантириш бўйича Бельгия тараққиёт моделини ва тажрибасини Ўзбекистонда тадбиқ қилиш, юртимиздаги мусобақалар ва футбол тадбирларида селекция ишларини такомиллаштиришда Бельгия ва Европа мамлакатлари тизимини йўлга қўйиш масалалари ҳақида сўз юритди.

Тадбир давомида йиғилганлар ўзларини қизиқтирган кўплаб саволларга жавоб олишди. Крис ван Пуйвельде "Пахтакор", "Локомотив", "Бунёдкор" стадионларига ташриф буюриб, бу ердаги инфратузилма, яратилган шароитлар билан яқиндан танишиши режалаштирилган.