Коваленко энг яхши натижа кўрсатди

Биз сафар таасуротлари хусусида Фарҳод акадан қисқача интервью олдик.

- Фарҳод ака, БААдаги семинар ҳақида батафсил маълумот берсангиз. Кимлар иштирок этди? Қандай маърузалар бўлди?
- БААдаги семинарда 97 нафар ОФК бош ҳакамлари ҳамда рефери ёрдамчилари иштирок этди. Бу ОФКнинг биринчи лойиҳаси эди. Чунки, шу пайтгача ҳакамлар ва ёрдамчи ҳакамлар алоҳида-алоҳида семинарларда қатнашишарди. Ушбу семинарда оффсайд, яъни ўйиндан ташқари ҳолатни, тўпни қўл билан ўйналган вазиятлар, ўйин қоидасини бузиш даражаси, жарима майдончаси ичидаги қоида бузишлар каби сўнгги пайтларда эътироз ва мунозараларга сабабчи бўлаётган кўплаб мавзулар муҳокама қилинди. Сариқ ва қизил карточкалар кўрсатиш бўйича олдиндан тайёрланган махсус видео материаллар намойиш этилди. Табиийки, назарий дарслардан ташқари фитнесс тест ва жисмоний машғулотлар ҳам ўтказилди. Семинар давомида ҳакамларга бештадан тест саволлари берилди. Эътиборга молик жиҳати, мазкур тест саволлари бўйича бизнинг ҳакамлар биринчи ўринни эгаллашди. Бундан ташқари, ҳакамларимизнинг фитнес-тест ва бошқа машғулотларда ҳам юқори даражада иштирок этганини айтиш жоиз. Видео-тест ҳамда қонун-қоидаларни ўз ичига олган тестлар бўйича ҳам ўзбекистонлик ҳакам  Валентин Коваленко энг яхши натижани қайд этди ва энг юқори балл тўплади.

Камолиддин Алимов.