Koronavirus Info. Тошкентда 1 ёшга тўлмаган 7 нафар гўдакда коронавирус аниқланди

Бу ҳақда бугун АОКА ҳузуридаги штабда Давлат Бош санитария врачи Баҳром Алматов иштирокида ўтказилган брифингда айтилди. (https://t.me/aoka_uz/1361) Қуйида брифингдан муҳим маълумотлар эътиборингизга ҳавола этилади.

Тошкент шаҳрида коронавирус билан касалланганлар:

— 52 нафари уй бекаси,

— 20 нафари мактаб ўқувчиси,

— 12 нафари уюшмаган ёшлар вакили,

— 20 нафари ишсиз.

Коронавирус инфекциясининг тарқалиши беморлар қайд этилган муассасаларнинг жойлашувига, қолаверса, карантинда сақланаётган фуқароларнинг карантин маскани жойлашган манзилга ҳам бевосита боғлиқ.

Шунинг учун биз туманларда касалланганлар сони қайд этилишига қараб туриб, бизнинг туманимизда камроқ ёки бошқа туманда кўпроқ экан деган фикрга боришимиз керак эмас.

Беморлар орасида 60 ёшдан катта ёшдагилар 32 нафарни, 50 ёшдан 60 ёшгача бўлганлар 28 нафарни, 30-39 ёшдагилар 82 нафарни, 20–29 ёшдагилар 88 нафарни ташкил қилади.

Шунингдек, беморларнинг 7 нафари 1 ёшгача, 3 нафари эса 1 ёшдан 2 ёшгача бўлган болалардир.

#уйдақолинг

#ваҳимасизкарантин