Конте АПЛнинг энг яхши мураббийи деб топилди

Бу ҳақда АПЛ матбуот хизмати хабар бермоқда. Лондон клуби мавсум якунларига кўра ўз тарихида бешинчи бор АПЛ, олтинчи маротаба Англия чемпиони бўлди.

Жамоа иккинчи ўринни эгаллаган “Тоттенхэм Хотспур”ни 7 очкога ортда қолдиришга муваффақ бўлди. “Челси” чемпионатда 30 та учрашуда ғалаба қозониб, АПЛ рекордини ҳам янгилади.

Бундан аввалги рекорд ҳам айнан лондонликларга тегишли эди. Улар 2004/05 ҳамда 2005/06 йилги мавсумда 29 та ўйинда зафар қучишганди.