КОНКАКАФ чемпиони маълум
07 jun 2021 19:05
News

КОНКАКАФ чемпиони маълум

КОНКАКАФ Миллатлар Лигаси финалида АҚШ терма жамоаси Мексика терма жамоаси билан тўқнаш келди. Учрашув Денвер (АҚШ)даги "Эмпауэр Филд эт Майл Хай" стадионида бўлиб ўтди ва учрашув АҚШнинг 3:2 ҳисобидаги ғалабаси билан якунланди.

Учрашувнинг илк дақиқасидаёқ Мексика терма жамоаси ҳужумчиси Хесус Корона ҳисобни очди. 27-дақиқада АҚШ терма жамоаси ярим ҳимоячиси Жованни Рейна мувозанатни тиклади. Ўйиннинг 79-дақиқасида ярим ҳимоячи Диего Лейва яна мексикаликларни олдинга олиб чиқди. Орадан уч дақиқа ўтар-ўтмас АҚШ ярим ҳимоячиси Уэстон Маккенни тарози паллаларини тенглаштирди. Қўшимча дақиқаларда эса америкаликлар ярим ҳимоячиси Кристиан Пулишич пеналтидан ғалаба тўпини киритди.

Шу тариқа АҚШ терма жамоаси КОНКАКАФ Миллатлар Лигаси ғолибига айланди. Учинчи ўрин учун кеган баҳсда Гондурас терма жамоаси Коста-Рикани пеналтилар сериясида доғда қолдирди (асосий вақтда 2:2, пеналтилар сериясида — 5:4).