Конго ДРда ўтказилган аёллар футболи баҳсида ҳакам ўйинчилар томонидан калтакланди

"Мотема Пембе" ва "Мазембе" ўртасидаги ўйинда бош ҳакам мағлуб жамоа фойдасига қарор қабул қилмагач, кескинлик кучайди.

"Мотема Пембе" 5:1 ҳисобида мағлуб бўлаётганди, рақиб жарима майдончасидаги ўйин қоидаси бузилишидан сўнг ҳакам жамоа фойдасига пенальти белгиламайди, ушбу қарорга эса футболчилар норозилигини ошкора билдиради.

Футболчилар ҳакамни қувади ва уни тутиб олишгач, калтаклай бошлаган. Ҳакам бир нечта зарба қабул қилгач, туннел томон қочишга муваффақ бўлди, аммо ғазабланган "Мотема Пембе" ўйинчилари уни туннелга қувишда давом этди.

Стадион ходимлари ҳакамга ёрдам беришга ҳаракат қилишди, ҳатто темир идиш кўтарган бир футболчини тўхтатиб қолишди.

GhanaWeb нашри хабарига кўра, Конго футбол ассоциацияси воқеага алоқадор бўлган ўйинчиларни футболдан четлатган ва даҳшатли воқеа юзасидан тергов бошланган.