"Комо" "Ювентус" хавбекига даъвогарлик қилмоқда

А Серияга қайтган "Комо" Туриннинг "Ювентус" жамоаси ярим ҳимоячиси Артур Мелога қизиқиш билдирмоқда, дея хабар берди Фабрицио Романо.

Маълум қилинишича, "лариани" аллақачон "кекса синьора"га 27 ёшли Мело трансфери бўйича мурожаат қилган. Музокаралар бошланган. Бразилиялик ярим ҳимоячи "Ювентус" бош мураббийи Тиаго Моттанинг 2024/25 йилги мавсумдаги режаларига кирмайди.

Артур Мело 2023/24 йилги мавсумни ижара асосида "Фиорентина"да ўтказди ва у ерда 46 та ўйинда иштирок этиб, 2 та гол урди ва 3 та голли узатмани амалга оширди.