Коке “Ливерпуль”га қарши баҳс олдидан: “Ўтган йили Туриндаги мағлубият бизга сабоқ бўлиши керак”

“Атлетико” ярим ҳимоячиси Коке ЕЧЛ 1/8 финалида “Ливерпуль”га қарши ўтадиган жавоб баҳси олдидан ўз фикрлари билан ўртоқлашди.

Мазкур жамоаларнинг Мадридда ўтган илк тўқнашувида испанлар 1:0 ҳисобида ғолиб чиқишган.

“Ливерпулга катта мақсадлар билан борамиз. Олдимизда қитъанинг энг кучли саккиз жамоаси сафига кириш имконияти бор. Шу мақсад учун майдонга тушамиз.

“Ливерпуль” кучли рақиб. Осон бўлмайди. Улар чемпион. Биз майдонда ўз вазифамизни аъло даражада бажариб, мусобақадаги юришимизни давом эттирмоқчимиз. 

Ўтган йили Туриндаги мағлубиятдан хулоса чиқаришимиз лозим. Ўша хатоларни такрорламаслик керак. Ўшанда биз ўзимизда эмасдик.

“Ливерпул”га қарши агрессив ҳараат қилсак, керакли натижага эриша олишимиз мумкин. Ўшанда майдонда ҳар қандай ҳолат юз бериши мумкин. Мен биз ҳам “Ливерпуль” даражасида бўлишимизни истардим. Улар бир қатор ўйинларда мағлуб бўлишди, аммо Чемпионлар лигасида бунинг ҳеч қандай аҳамияти йўқ”, дейди Коке.