Клопп: “Ливерпуль” АПЛ чемпионлиги учун пойгадан чиқди”

Учрашувдан кейин мерсисайдликлар устози Юрген Клопп ўз фикрлари билан ўртоқлашди.

“Яхши формадаги жамоа (“Арсенал” назарда тутилмоқда) яхши формада бўлмаган жамоага қарши ўйнади, аммо шунга қарамай яхши ўйнадик ва ўзимизни кўрсата олдик. Ўйлашимча, дуранг муносиб натижа бўларди, аммо энди буни қабул қилишга мажбурмиз. Чемпионлик пойгаси? Йўқ, ундан чиқдик”, дейди Клопп.

Эслатиб ўтамиз, “қизиллар” турнир жадвалида 10 очко билан 10-ўринда бормоқда. Жамоани АПЛ доирасида олдинда 16 октябрь куни “Манчестер Сити”га қарши баҳс кутмоқда.