Клопп: “Арсенал” рекордини забт этиш мумкин, деб ўйламайман”
27 dec 2019 22:45
News

Клопп: “Арсенал” рекордини забт этиш мумкин, деб ўйламайман”

“Ливерпуль” бош мураббийи Юрген Клопп Премьер Лигада “Арсенал” томонидан ўрнатилган, 49 та ўйиндан иборат мағлубиятсиз серия ҳақида ўз фикрларини билдириб ўтди.

Айни пайтда Клопп жамоаси 35 учрашувдан буён АПЛда мағлуб бўлмай келмоқда.

“Бу жуда катта рекорд. Мен қанчадир вақт давомида ушбу бизнесда фаолият юритаяпман ва агар мендан бу рекордни забт этиш мумкин, деб сўрасангиз, бу қайтариш қийин бўлган иш деб жавоб бераман.

Адашмасам, Дормунднинг “Боруссия”сида ишлаган вақтимда 28 та учрашувда мағлуб бўлмагандик.

Мен футбол ўйини бошлангунига қадар жуда оптимист инсонман. Ғалаба қозонишимизни биламан, аммо ҳаётимда ҳеч қачон бу нарса 100 фоиз рўй беришига ишонмаганман. Айрим пайтда бу тақдирнинг ҳукмида бўлади.

Бу каби барча рақамларни мен аллақачон унутганман. Агар сиз кейинги сафар яна шу ҳақда менга эслатсангиз, бу рақам нақадар буюк эканлигидан фахрланаман”, дея Клоппнинг сўзларидан иқтибос келтирмоқда Goal нашри.

Link :

Source : Goal

Receive latest football news directly on your phone. Subscribe for our Telegram channel!

Rating: +17