Кимпембе ЖЧни ўтказиб юборади – ПСЖ футболчиси жароҳатдан тўлиқ фориғ бўлмаган
14 nov 2022 16:48
News

Кимпембе ЖЧни ўтказиб юборади – ПСЖ футболчиси жароҳатдан тўлиқ фориғ бўлмаган

Унинг ўрнига "Монако" ҳимоячиси Дисаси Франция термасига чақирилди.

Преснель Кимпембе Франция терма жамоасининг Жаҳон чемпионати учун қайдномасидан чиқарилди.

ПСЖ ҳимоячиси Дидье Дешамнинг дастлабки таркибига киритилганди, аммо бугун футболчи турнирни ўтказиб юбориши маълум бўлди – у жароҳатидан тўлиқ фориғ бўлмагани айтилмоқда. Унинг ўрнига "Монако" ҳимоячиси Аксель Дисаси терма жамоа ихтиёрига жалб қилинди.

Кимпембе 10 сентябрдан 25 октябргача сон қисмидаги жароҳат туфайли майдонга тушмади. Кейинроқ ПСЖнинг учта ўйинида қатнашди, бироқ уларнинг бирортасида 90 дақиқа ўйнамади.

ЖЧ-2022 Қатарда 20 ноябрдан 18 декабрга қадар бўлиб ўтади. Франция терма жамоаси Австралия, Дания ва Тунис билан бир гуруҳдан жой олган.

Link :

Source : fff.fr

Receive latest football news directly on your phone. Subscribe for our Telegram channel!

Rating: +1