Киберспорт. Ўзбекистон терма жамоаси ниҳоят йирик турнирда иштирок этади
18 nov 2019 13:30
News
Киберспорт. Ўзбекистон терма жамоаси ниҳоят йирик турнирда иштирок этади
16 ва 17 ноябрь кунлари ушбу турнирнинг Марказий Осиё саралаш босқичи ўйинлари бўлиб ўтади. Қозоғистондаги "Level Cyber Arena"да бўлиб ўтган баҳсларда Ўзбекистон терма жамоаси ҳам иштирок этди. Терма жамоамиз шарафини номдор киберспортчилар ҳимоя қилди.
Ўзбекистон терма жамоаси таркиби
1. Resu
2. GGwpLanaya
3. DM ("Hellraisers" вакили)
4. James ("Imperial Pro Gaming" вакили)
5. Sonneiko (NAVI вакили)


Жамоамиз гуруҳ босқичидаги барча ўйинларда ғалабага эришишди. Ўзбекистон шарафини ҳимоя қилган киберспортчилар финалда Қозоғистоннинг "DDEAD" жамоасига қарши курашишди. Қизиқ кечган ҳал қилувчи ўйин 3та харита (карта)дан иборат бўлди ва афсуски, қозоғистонликлар турнир ғолибига айланишди. Шунга қарамай финалга чиққан икки жамоа январь ойининг бошида ўтказиладиган Dota 2 бўйича Осиё чемпионати йўлланмасини қўлга киритди.

Бундан ташқари бошқа йўналишлар (Counter-Strike ва PES2020) бўйича ҳам вакилларимиз Осиё чемпионатига чиқишди.
Ҳамюртимиз Санжар Кулиев (SANJI) ўйнаётган "Avangar" жамоаси (Counter-Strike) ва PES2020 бўйича Марказий Осиё чемпионатида ғолиб бўлган Салоҳиддин Эсанов Куала-Лумпурдаги турнир йўлланмасини қўлга киритишди.


Similar news
championat.asia
ЖЧ-2026га қуръа ташланди. Барча гуруҳлар маълум!
Эшитдик-да! Кападзе Ўзбекистон терма жамоасидан кетди
Плей-офф: "Қўқон-1912" ва "Машъал" Суперлигада қолди
ЖЧ-2026. Ўзбекистон K гуруҳида: Роналду Ўзбекистонга қарши!
Comments