Киберспорт. Ҳамюртимиз жаҳон чемпионатини ғалаба билан бошлади
11 mar 2019 19:19
News

Киберспорт. Ҳамюртимиз жаҳон чемпионатини ғалаба билан бошлади

Айни дамда Хитойнинг Чунцин шаҳрида компьютер ўйинлари бўйича жаҳон чемпионати (WESG 2018) ўтказилмоқда.

Ушбу компьютер мундиалида Ўзбекистондан бир иштирокчи қатнашмоқда. Салоҳиддин Эсонов виртуал футбол ўйинида юртимиз шарафини ҳимоя қилади.

Бугун PES2019 ўйини бўйича баҳсларга старт берилди. Эсонов "C" гуруҳида кейинги босқичга чиқиш учун курашни бошлади. Вакилимиз жаҳон чемпионатидаги илк ўйинида ғалабага эришди. Киберспортчимиз икки учрашув натижасига кўра хитойлик рақибини 5:2 ҳисобида таслим этди. Салоҳиддин 2-тур учрашувини индонезиялик ўйинчига қарши ўтказди. Икки учрашув натижасига кўра дуранг қайд этилди. 3 ва 4-тур ўйинлари эртага ўтказилади.