Киберспорт. Dota 2 бўйича жаҳон чемпионати мукофот жамғармаси 14 соат ичида 6 млн. доллардан ошди

Ушбу контент орқали қаҳрамонларингизга янгича кўриниш беришингиз ва яна бошқа буюмларни сотиб олиш мумкин. Battle Pass тақдим этилганидан 14 соат ўтиб Dota 2 бўйича энг йирик турнир - The International 10 (норасмий жаҳон чемпионати)нинг мукофот жамғармаси 6 млн. доллардан ошди. Аслида турнирнинг бошланғич жамғармаси 1,6 млн. доллар бўлади. Battle Pass сотувидан тушадиган пулларнинг 25% жаҳон чемпионати жамғармасига ўтказилади. Бу сафар мусобақа жуда қисқа вақт ичида рекорд маблағ тўплай олди.

The International 10 коронавирус пандемияси туфайли ёзда ўтказилмайди. Тахминларга кўра, мусобақа қишда бўлиб ўтади ва турнир мукофот жамғармаси тарихда биринчи марта 50 млн. доллардан ошиши мумкин. Эслатиб ўтамиз, Dota 2 бўйича жаҳон чемпионати саралашларида истаган инсон ўз жамоаси билан иштирок этиши мумкин. Унда қатнашиш бепул.