Кемпес: "Ҳозирги Аргентина Мессининг дўстлари жамоаси"
22 jun 2018 15:35
News

Кемпес: "Ҳозирги Аргентина Мессининг дўстлари жамоаси"

Аргентина терма жамоаси сафида ЖЧ-1978да ғолиб бўлган Марио Кемпеснинг таъкидлашича, "Барселона" форварди Лионель Мессини Диего Марадона билан солиштириш аҳмоқлик.

- Месси Марадона билан бир даражада эканлигини айтадиганларга нима дейсиз?

- Бу аҳмоқлик. Месси кучли, аммо у ҳеч қачон жаҳон чемпиони бўлмаган. Турли даврлардаги футболчиларни солиштириш мумкин эмас.

Мен 1978 йилда жаҳон чемпиони бўлганман, Марадона эса 1986 йилда. Месси эса бундай эмас, ҳақиқат шундай.

- Аргентина терма жамоаси ҳақида фикрингиз?

- Улар жамоа эмас. Мен фақат "Мессининг дўстлари"ни кўряпман ва бирорта жамоадошга кўзим тушмади. Масалан, нега Икардини таркибга қўшишмаганини ким тушунтиради?

- Балки у Мессининг дўсти эмасдир?

- Билмайман, бироқ агар у бирор бошқа сабаб туфайли чақирилмаган бўлса, бундан ғазабланаман - дейди Кемпес.

Link :

Source : La Gazzetta dello Sport

Receive latest football news directly on your phone. Subscribe for our Telegram channel!

Rating: +31