Кечаги вазиятга Англия нашри ҳам эътибор қаратди
02 feb 2015 13:37
News

Кечаги вазиятга Англия нашри ҳам эътибор қаратди

Хабарингиз бор, кеча Таиландда бўлиб ўтаётган "Қирол Кубоги" халқаро турнири доирасида Ўзбекистон (U-22) - Жанубий Корея (U-22) баҳси бўлиб ўтди. Бунда вакилларимиз 0:1 ҳисобида имкониятни бой беришди.

Ўйиннинг охирларида эса кўнгилни хира қиладиган ҳодиса рўй берди. Аввалига Жалол Машарипов кореялик футболчини тепгани учун четлатилди, ундан кейин Тоҳир Шамсиддинов рақиб ўйинчисини очиқчасига дўппослади. Бу вазиятга Англиянинг машҳур нашрларидан бири "Mirror" ҳам эътибор қаратди.

Хусусан "Mirror"нинг расмий сайти www.mirror.co.uk да ўша вазият туширилган видеолавҳа жойланди ва Машариповнинг зарбаси кунг-фу усулида тепиш дея баҳоланди. Шунингдек, сайт мухлислар ҳукмига бир нечта саволни ўртага ташлаган. Хусусан, "Жанубий Корея ўзбекистонлик фтуболчиларнинг жиғига тегиш учун нима қилди?", "U-22 терма жамоаси ҳақида кимдир эшитганми? Уларни нима жин урди?", "Мусобақа "Қирол Кубоги" деб номланади: лекин бу футбол мусобақасими ёки "қонли ўйинми?", "Ўзбекистонлик футболчи бунақа тепишни ЖЧ-2010 финалида "ўзини кўрсатган" Найжел Де Йонгдан ўрганмаганми?"

Бундан ташқари, сайт ўша саҳифага "Қайси футболчи Ўзбекистон терма жамоасига мос тушади?" деган сўровномани келтириб ўтган ва вариантлар сифатида Жоуи Бартон, Рой Кин, Найжел Де Йонг ва Диего Костани мисол қилган.

Link :

Source : championat.asia

Receive latest football news directly on your phone. Subscribe for our Telegram channel!

Rating: