Latest news

23:56Аёллар ўртасидаги ОЧЛ саралаши. "Севинч" "Ал Насср"ни бурчакдан урилган гол эвазига мағлуб қилди  0 23:33Диёр Холматов: "Европага кетишим шу йиғиндан кейин ҳал бўлади"  5 23:17"Кристал Пэлас" ўз тарихида илк марта еврокубокларда ўйнайди  0 22:50Маҳмуд Маҳамаджонов: "Янги жамоага кўникиш осон бўлди. Энди бор эътибор термага қаратилади"  0 22:19ЕЧЛ. "Реал" Қозоғистонга келади, "Қайрат" Милан ва Лондонга боради: қуръанинг барча натижалари билан танишинг  26 21:54Одил Ҳамробеков: "Ҳозирги мураббийимиз Тимур Кападзе. Унинг қўл остида CAFA турнирига тайёргарлик кўряпмиз"  1 21:28Конференциялар лигаси саралаши финали. "Крайова" - "Истанбул Башакшехир" баҳси асосий таркиблари маълум!  25 21:17Ўзбекистон термаси йиғинни бошлади ГАЛЕРЕЯ  4 20:45Пол Паркер: "Онана дарвозабон эмас"  3 20:12"Динамо" ҳақ бўлиб чиқди: "Ҳакам қарори нотўғри!"  21 19:50Расман: Шаҳбоз Умаров — "Тобол" футболчиси  2 19:21Паулу Бентунинг Ўзбекистон терма жамоаси бош мураббийлига тайинланиши тўғри қарорми ёки нотўғри?  74 19:10Ўзбекистон U-23 терма жамоаси 30 август куни Қирғизистонга йўл олади   7 18:49Одил Ҳамробеков ва Ўткир Юсупов Ўзбекистон терма жамоасининг йиғинига келиб қўшилди   0 18:07"Қайрат" бош мураббийи: "Бунчалик узоққа боришимизни кутмагандим"  6

Кахи Махарадзе: “Шиддатли ўтаётган ўйинлар сони кўпайган” News

Кахи Махарадзе: “Шиддатли ўтаётган ўйинлар сони кўпайган”

"Пахтакор" жамоасининг мавсум бошидаги ўйинлари ҳақида сардор Кахи Махарадзедан бир қатор саволларга жавоб олдик.
- “Пахтакор”ни мавсумни жуда яхши бошлади. Бунинг асосий сабаби нимада?
- Ҳозирча олий лигада беш учрашувда ғалаба қозондик. Мавсумга яхши тайёргарлик кўрганимиз ва жамоада ўзаро тушуниш даражасининг ошгани туфайли ўша беллашувларда муваффақиятга эришдик. Янги мавсум арафасида таркибимизда кўп ўзгариш бўлмади. Фақат икки футболчи жамоамизга қайтди. Энг катта ўзгариш жамоа бошқарувида рўй берди. Самвел Бабаян менежер этиб тайинланди. Бу ютуқлар ортида унинг меҳнатлари ҳам ётибди. У футболчиларнинг характери ва руҳий ҳолатини жуда яхши тушунади. Ўйинлардан аввал у кўрсатмалар бермоқда, биз эса уни бажаришга интиляпмиз. Ғалабалар шундай қўлга киритилмоқда. Биз имкон қадар ҳужумкор ва чиройли футбол намойиш этишга уриняпмиз. Ҳали мавсум давомида ўйинимизни янада кучайтирамиз деб ўйлайман.

- Ўз ўйинингиздан қанчалик қониқяпсиз?

- Баҳони бошқалар бергани маъқул, лекин имкониятим етгунча жамоа ўйини ва ғалабаларига ҳисса қўшишга ҳаракат қиляпман. Ҳозирча ҳаммаси яхши, лекин мавсум узоқ давом этади ва аста-секинлик билан юқори ҳолатга чиқиб боришим керак. Буни бутун жамоа билан уддалашимиз зарур.

- Бу мавсумда ҳужумларга кўпроқ қўшиляпсиз, кўпроқ зарбалар бериб, голлар уряпсиз. Бу ҳам кўрсатмалар натижасидами?

- Албатта. Бу йил шундай ўйнаяпмизки, жамоа ҳужумга ўтган пайтда мен ҳужумчи ортида ўйнаётган иккинчи футболчи вазифасини бажаряпман. Натижада олдингига нисбатан кўпроқ кескин вазиятларни содир қиляпман. Ҳимояланаётган вақтимизда эса одатдагидек икки таянч футболчисидан бири бўлиб, бунга ёрдам беряпман. Жамоанинг ўйини қовушаётгани ҳам бунда муҳим ўрин тутади.

- Чемпионат савияси ҳақида қандай фикрдасиз? Унда ўсиш борми?

- Ўтган йилга солиштирсак, ўсиш бор. Айни пайтда аксарият жамоаларнинг савияси бир-бирига яқин. Чемпионатда яққол етакчи йўқ, деярли барча клублар таркибида яхши савиядаги футболчилар мавжуд. Фақат энди кимнинг имкониятдан қандай фойдаланиши кўп нарсани ҳал этиб беради. Ҳозиргача ўтказган ўйинларимизда осон рақибга дуч келганимиз йўқ. Мухлислар ҳам ўтган йилгидан кўпроқ, менимча. Ўйинлардаги шиддат ўсган. Кутилмаган натижалар кўпроқ кузатилиши мумкин. Хурсанд қилаётган тарафи шундаки, “Пахтакор”нинг ўз стадионидаги учрашувларига кўпроқ мухлислар келмоқда. Клуб томонидан ташкил этилган совринли ўйин бунга ёрдам берди. Энди чиройли ўйин кўрсатиб, ўша ишқибозларни ҳар доим стадионга келишга чорлаяпмиз.

- Қайси жамоаларнинг ўйини сизда илиқ таассурот қолдирди?
- Унчалик кўп ўйинларни кузатмадим. Лекин ҳозиргача “Локомотив”, “Насаф” ва “Бунёдкор” иштирокидаги учрашувларни кўрдим. Тошкентда ўтган “Локомотив” – “Насаф” баҳсида меҳмонларнинг ўйини маъқул келди. “Локо”нинг “Бунёдкор” билан беллашувининг охирги 15 дақиқасини томоша қилдим. Унда “Локомотив” яхшироқ ўйин намойиш қилди.


- Грузия миллий терма жамоасига чақирув олганингиз ҳақида маълумотлар пайдо бўлди. Бунга аниқлик киритсангиз.
- Ҳозирча миллий терма жамоанинг ўртоқлик ўйинлари учун кенгайтирилган рўйхатга киритилганим ҳақида маълум қилишди. Якуний таркиб эса кейинроқ маълум қилинади.
Rating:    

Comments

championat.asia
< show latest news
Яндекс.Метрика