Кавенаги: "Месси энг зўри, лекин бир ўзи ҳамма учун ўйнай олмайди"
22 jun 2018 12:57
News

Кавенаги: "Месси энг зўри, лекин бир ўзи ҳамма учун ўйнай олмайди"

Аргентиналик собиқ футболчи Фернандо Кавенаги кеча бўлиб ўтган Хорватияга қарши баҳс (0:3)дан кейин Аргентина терма жамоаси ва Месси ҳақида гапирди.

"Жуда қийин ўйин. Хорватия - жуда яхши жамоа, Аргентина эса ҳисоб 0:1 бўлиб турганда яхши имкониятдан фойдалана олмади. Кейин олдинга ўтилди ва бўш зоналар пайдо бўлди.

Месси айбдорми? Месси бир ўзи ўйнамайди, бу жамоанинг муаммоси. Бу муаммо Жаҳон чемпионатигача, биз бу ерга базор чиққанимиздаёқ бошланган эди.

Месси - дунёнинг энг яхши футболчиси. У ҳақида гапирилаётганлар нарсалар нормал ҳолат. Месси энг яхши, лекин у бир ўзи ҳамма учун ўйнай олмайди", - деди Кавенаги.