Каррагер Эмерини Артета ва Почеттинодан устун кўрди

"Унаи Эмери – жорий мавсум АПЛнинг учинчи энг яхши мураббийи. Ҳа, Чемпионлар Лигаси ғолиблари Юрген Клопп ва Пеп Гвардиола бор. Аммо Унаи Эмерининг "Астон Вилла"дан ташқаридаги фаолиятига назар ташласангиз, у доимий равишда Европа Лигасида ғалаба қозонаётганини кўрасиз. Микель Артета ва ҳатто Маурисио Почеттино ҳам бу билан мақтана олмайди.

Агар Унаи Эмери келганидан бери ўтган 12 ойга қарасангиз, "Астон Вилла"ни "Манчестер Юнайтед"дан яхшироқ шуғуллантиришаётганини кўрасиз. Бунга мутлақо шубҳа йўқ.

"Вилла" менежер туфайли еврокубокларда узоққа боради. Уларнинг Конференция Лигасида жуда яхши ишлаётганини кўряпман. Демак, мавсумнинг иккинчи ярмида улар пайшанба ва якшанба кунлари кўп ўйнашлари мумкин", – деди Жейми Каррагер.

Эслатиб ўтамиз, Унаи Эмери ўтган мавсум қуйи лигага тушиб кетаётган "Астон Вилла"ни 7-ўринга кўтарганди. "Вилланлар" АПЛнинг ушбу мавсумида пешқадам "Манчестер Сити"дан 3 очко ортда қолиб, 5-поғонани эгаллаб турибди. Шунингдек, улар Конференция Лигасининг плей-офф босқичига йўлланмани деярли қўлга киритишди.

Маълумот ўрнида, Унаи Эмери тўрт карра Европа Лигаси ғолиби саналади.