Карлуш Кейруш сўнгги интервьюсида нима демоқчи бўлган?
03 feb 2019 12:54
News

Карлуш Кейруш сўнгги интервьюсида нима демоқчи бўлган?

Ўзбекистонлик футбол мутахассиси Алишер Никимбаев ўзининг Телеграмдаги каналида Эрон терма жамоасини тарк этган Карлуш Кейрушнинг сўнгги интервьюси ҳақида фикр билдирди.

Бир неча кун олдин португалиялик мутахассис Эрон терма жамоасининг Осиё Кубоги учун тайёргарлигига Қатар футбол ассоциацияси ёрдам бергани ҳақида айтган эди.

"Эрон терма жамоаси турнир (Осиё Кубоги)дан олдин Доҳада икки ҳафталик йиғин ўтказиб, унда 2та ўртоқлик ўйинида иштирок этган эди. Ўртоқлик ўйинига ташриф узайтирилиши йиғинга айланиб кетди. Аввалига Қатар ФА Эрон терма жамоасини 31 декабрда ўртоқлик ўйинига таклиф қилди, кейин эса Эрон футбол федерацияси Қатарда кўпроқ қолишга қарор қилди.

Гап бунда ҳам эмас. Кўпчилик Кейрушнинг интервьюсидан бошқа хулоса чиқаришган, аммо португалиялик оммага бошқа нарса демоқчи эди. Гап Эрон жамоаси учун ким қандай йиғин (ҳамда Венесуэлага қарши ўртоқлик ўйини) ташкил қилганида эмас. Эрон футбол федерацияси ва мамлакат спорт вазирлиги йиғин ташкил қилиш учун етарли пул топиб бера олмади. Кейруш айнан шу ҳақида гапириб, уларнинг футбол хўжалигида муаммолар мухлислар ўйлаганидан кўпроқ эканлигини тушунтирмоқчи бўлган" - деб ёзади Алишер Никимбаев.

Link :

Source : t.me/ANikimbaev

Receive latest football news directly on your phone. Subscribe for our Telegram channel!

Rating: +21