Карлуш Кейруш: "Менда ғалати одат бор"

Ҳозирда эронликлар "Локомотив" (Москва) клуби базасида машғулотлар олиб бормоқда. Журналистларга қисқача интервью берган Карлуш Кейруш ўзининг кичик сирини очди.

- "Мен жаҳон чемпионатларидан олдин доим мамлакат чемпиони бўлган клуб базасида машғулот ўтказишга ҳаракат қиламан. Менда шунақа одат бор. Масалан, ЖЧ-2014да Бразилия чемпиони "Коринтианс" базасидан фойдалангандик. Бу гал эса "Локомотив" Москва майдонларида машғулот ўтказяпмиз", - дейди 65 ёшли мутахассис.

- "Биз Россияда эканимиздан хурсандмиз. Ҳаммаси жойида ва ҳеч қандай муаммо йўқ. Эрон Осиё жамоалари орасида ФИФА рейтингида энг юқори ўринда турибди. Бимз гуруҳдан чиқишни хоҳлаймиз ва бунинг учун бор куч билан ҳаракат қиламиз. Мусобақа бошлангунига қадар Литва билан ўртоқлик учрашуви ўтказамиз. Бу ўйин ЖЧ олдидан энг охирги назорат беллашуви бўлади".