Карачик: "Кейинги баҳсда ишқибозлар бугунгиданда кўпроқ бўлишига умид қиламиз"
28 jan 2023 20:01
News

Карачик: "Кейинги баҳсда ишқибозлар бугунгиданда кўпроқ бўлишига умид қиламиз"

Tags : CAFA WOMEN'S FUTSAL CHAMPIONSHIP-2023

"CAFA Womenʼs Futsal Championship 2023" мусобақаси 2-тури доирасидаги Ўзбекистон – Қирғиз Республикаси (6:1) учрашувидан кейин терма жамоамиз вакиласи Людмила Карачик ўйин ҳақида фикрларини билдирди.

"Кайфият аъло. Ўйинда бироз қийин бўлди, мухлисларимизни хурсанд қилдик. Навбатдаги баҳсда муносиб ўйин кўрсатишга ҳаракат қиламиз. Ҳамма режаларимиз ўхшагани йўқ, бунданда кўпроқ гол уришга қодир эдик. Эронга қарши баҳсга яхши тайёргарлик кўрамиз. Эрон терма жамоаси биздан кучлироқми? Ҳа, буни тан олиш керак.

Тожикистон ва Қирғизистонга қарши баҳсларни солиштирсак тожикистонликларга қарши учрашув қийинроқ кечди. Менимча, ўша ўйин турнирдаги дастлабки ўйинимиз бўлгани учун қийналдик ва бироз "мандраж" бўлди.

Терма жамоамиздаги кайфият сабаби? Сир. Қўлимиздан келганча ўйин мухлисларга ёқадиган бўлишини хоҳладик. Қўллаб-қувватлагани келганларнинг барчасига раҳмат. Мухлислар кўпроқ келади деб ўйлаган эдим. Кейинги баҳсда ишқибозлар бугунгиданда кўпроқ бўлишига умид қиламиз" - дейди Людмила Карачик.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2