Капелло: “Англия термасида футболчилар билан мулоқотда муаммолар бўлмаган, Россия термасида эса...”

ЖАРда ўтган мундиалда Англия термаси мусобақанинг 1/8 финалида Германияга 1:4 ҳисобида имкониятни бой бериб, мусобақа билан хайрлашганди.

“Таркибда муаммолар кўп эди. Руни 100 фоиз тайёр эмасди, Фердинанд ва Бекхэмни жароҳат безовта қилаётганди. Энг муҳими етакчи футболчилар сафдан чиқишган ва биз ЖАРдаги мусобақада ишончсиз ўйин кўрсатдик. Ўша пайтдаги Англия термасида ёши улуғ футболчилар кўп эди, ёш футболчилар деярли йўқ эди. Бу ҳам ўйинимизга ўз таъсирини ўтказган. Айни пайтда терма жамоада ёш ва тиришқоқ футболчилар бор ва улар ажойиб тезликка эга, сифатли ўйин намойиш этишмоқда. 

Кимлардир мени инглиз тилини тушунмасликда айблаши мумкин, аммо футбол учун 20 та сўзни билиш кифоя. Англия термасида бу борада менда муаммо бўлмаган, аммо Россия ва Хитой термасини бошқарганимда футболчилар билан мулоқотда бу борада қийинчиликлар кузатилган”, дея Капеллонинг сўзларидан иқтибос келтирмоқда Guardian.

Фабио Капелло 2012-2015 йилларда Россия терма жамоасини бошқарган.