Кандела: "Рома" учун Контедан кўра Спалетти яхши, аммо Гарсияни сақлаб қолиш тўғри"

"Контени ёқтирмайман. Агар "Рома"га мураббий чақиришмоқчи бўлишса бу Спалетти бўлиши керак. "Рома" футболчиси сифатида Контени жамоам захира ўриндиғида кўришни истамас эдим. У "Ювентус" билан скудеттони кетма-кет уч маротаба ютиши, Конте "Рома" билан ҳам шундай ғалаба қозона олади дегани эмас. "Юве" билан ҳар қандай мураббий зафар қуча олади. Менга кўпроқ Спалетти ёқади.

Тўғрисини айтсам, "Рома" Руди Гарсияни сақлаб қолиши керак, чунки у ўз камчиликларини билади ва уларни устида ишлаяпти. Римликлар етакчидан бор-йўғи 4 очко ортда ва улар ўз орзуларини амалга ошириши мумкин" - дейди Кандела.