Камолиддин Тожиев: "Гол урадиган ҳужумчимиз йўқ"

Камолиддин Тожиев: Бугун тўпни яхши назорат қилдик, аммо иккита хато туфайли дарвозамиздан иккита гол олиб чиқдик.

- "Пахтакор"да таркиб ёмон эмас, лекин нимадир ётишмаётгандек?

- Гол урадиган ҳужумчимиз йўқ. Тўпни яхши ушлаб турибмиз, ўйинни назорат қиляпмиз, аммо дарвозага зарба бермасак гол бўлмайди.

- Иккинчи бўлимда ҳимоя ўрнига Холдорхонов майдонга тушди, буни нотўғри ўзгариш деб ҳисоблайсизми?

- Ҳа, баъзи ўзгаришларимиз хато бўлди.

- Бу мавсум "Марказий стадион"даги ўйинларда "Пахтакор" икки марта ютқазди ("Насаф" - "Пахтакор" 1:0). Бу стадион таъсирими ёки бошқа омилми?

- Йўқ, майдон таъсири эмас. Хатоларимиз гол билан тугади. Баъзи бошқа ўйинларда 20та хато ҳам голга олиб келмайди. Футбол шуниси билан қизиқ.

- "Пахтакор" совринлар учун курашдан чиқди деб ўйлайсизми?

- Йўқ, чиққани йўқ. Биз охиригача курашамиз.