Камолиддин Алимов энг ширин “Грил” пиширадиган ресторан очмоқчи

Офисимиздаги деярли ҳар бир боғланадиган гаров, албатта битта “грил” билан якунига етади. “Грил” ўйналмаган пайтлар, Эшмат аканинг иккита қовурғали сомсаси қорнимиз тўрини банд этади. Пулни чўғи кўриниб қолган пайтлар эса, картошкали сомса билан ўртоқлик учрашуви ўтказамиз.
“Грил”, бу - печкада пиширилган товуқ гўшти.

Унинг асосий мақсади, “Оламспорт” сайтида босиб-босиб ишлаган ҳолда катта молиявий фойда кўриш ва кейинчалик, ўзининг шахсий “Грил” бизнесини йўлга қўйиш. Бу борада у киши Толибжон Қосимов билан шартнома тузишни мақсад қилган. Хабарингиз бор, бундан аввалги мақолада, Толибжон Қосимов фермер хўжалигини ташкил қилиши ҳақида ёзган эдик. Айнан унинг фермасида боқиладиган товуқлар, кейинчалик ресторан қассобларининг қўлларига тушиши режалаштирилган.

Бир куни, аниқроғи Дохада Алимов билан такси тўхтатдик. У ерда асосан ҳинд ва  покистонлик ҳайдовчилар хизмат қиладилар. Алимов урду тилида 2 оғиз гапиришни билар экан, бечора ватанини қўмсаган ҳайдовчига, “сен урдумисан, мен урду тилини биламан“ деган ҳам эди, ҳайдовчи чунонам тўлқинланб кетдики, то манзилимизга етиб бормагунимизча, гоҳ кулиб, гоҳ алам билан дардини айтиб кетди. Афсуски Алимов "сен яхшимисан", "салом", "хайр" ва "мен урду тилини биламан" гапларидан бошқасини билмасди...

Нодирхўжа Юлдашев