Камо Газаров: "Насиб қилса "Пахтакор"ни енгиб Бухоро халқига байрам тақдим этамиз"
01 apr 2016 07:37
News

Камо Газаров: "Насиб қилса "Пахтакор"ни енгиб Бухоро халқига байрам тақдим этамиз"

Ёшлар лигаси доирасидаги "Бухоро" - "Пахтакор" (1:0) учрашувидан сўнг мезбонлар устози Камо Газаров ўз фикрларини билдирди.

"Кеча жуда қийин кечган баҳсда ғалаба қозонганимиздан хурсандмиз. Рақиб таркибида турли терма жамоалар сафида ҳаракат қилувчи футболчилар бўлишига қарамай, шогирдларим учрашув давомида устунлик қилишди ва шу сабабли бугун ҳақли ғалабага эришдик. Бугун дарвозабонимиз ва ҳимоячиларимиз яхши ҳаракат қилишди, ярим ҳимоя ва ҳужум чизиғимиздан бугун кўнглим тўлмади. Шунга қарамай йигитларга бугунги ўйин учун раҳмат айтаман.

Асосий таркиб футболчиларимиздан ҳам албатта ғалаба кутяпман. Тўғри, рақибимиз кучли жамоа, лекин биз ҳам улардан кам эмасмиз. Футболчилар бу ўйинга жиддий масъулият билан ёндашишяпти. Насиб қилса Бухоро халқи учун байрам тақдим эта оламиз", - дейди Камо Газаров.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5