Жозе Моуринью: "Ҳимояда жуда оддий ва қўпол хатоларга йўл қўйдик"

- Учрашув дебюти биз учун ёмон бошланди. Шунга қарамай биз ҳисобни тенглаштириш учун имкониятга эга бўлгандик, аммо буни уддалай олмадик. Кейин эса ҳимоядаги навбатдаги хато гол билан якунланди. Жуда оддий хатоларимиз эвазига гол қўйвордик. Бу каби вазиятларда гол ўтказиб юбориш ярамайди.

Биз Лондонга ҳужумкор футбол кўрсатиш учун ташриф буюргандик. Дастлабки голдан сўнг очиқ футбол кўрсатиш ниятимиз борлигини намойиш этдик. Аммо қарши ҳужумларда ўз дарвозамиздан кетма-кет голлар қўйиб юбордик. Агарда ҳисобни 1:2 қилолганимизда баҳс буткул бошқача сценарий остида давом этган бўларди.

Футболда ҳеч нарса қилмасдан рақибга ташаббусни топшириб қўйиш мумкин. Бугун шу ҳолат руй берди.
Ҳимояда жуда ғалати хатоларга йўл қўйдик, индивидуаль хатолар ҳам анча кўп бўлди. "Челси" эса бу хатоларимиз учун бизни кечирмади.

Пешқадам жамоадан 6 очко ортда қоляпмиз. Ўртадаги фарқни қисқартиришимиз учун ғалабалар зарур. Бу эса осон қўлга киритилмайди. Биз охирги 3та ўйинда жамғаришимиз керак бўлган 9 очко ўрнига 2 очко эгасига айландик.

"Челси" мухлислари мени яхши кутиб олишди. Улар ўзларини одатдагидек тутишди. Бошқача бўлишини кутмагандим ҳам.

Контенинг қулоғига нима деб пичирладим? Бу унга тегишли гаплар эди, сизларга эмас.