Жозе Моуриньо: «МЮ - «Сент-Этьен» учрашувида Погбанинг онасига қийин бўлади»
16 feb 2017 01:01
News

Жозе Моуриньо: «МЮ - «Сент-Этьен» учрашувида Погбанинг онасига қийин бўлади»

«Манчестер Юнайтед» устози Жозе Моуриньо Европа лигаси 1/16 финали доирасидаги «Сент-Этьен»га қарши ўйинда кимга оғир бўлишини айтиб ўтди.

Манкунианликлар ярим ҳимоячиси Поль Погба ўз акаси Флорентенга қарши ўйнайди.

«Ҳа, биз Поль билан бу борада гаплашдик. Менимча бу тақдир. Бу вазиятда энг қийини Погбанинг онасига бўлади. Бу ерда танлов йўқ. Польнинг айтишича онаси биринчи ўйинда дуранг бўлишини истамоқда. Бироқ жавоб баҳсида барибир қайсидир фарзанди хафа бўлади. Шу боис бу фақат онаси учун қийин.

Ака-укалар эса бир-бирларига қарши ўйиндан завқ олишади. Поль ўйинни кутмоқда, Флорентен ҳам шундай бўлса керак», — дейди Моуриньо.

«Манчестер Юнайтед» – «Сент-Этьен» учрашуви 16 февраль куни тунда бўлиб ўтади.