Жота: “Ливерпуль” — фаолиятимдаги энг яхши клуб

Мерсисайд клуби сафида хет-трикка эришган Диогу Жота учрашувдан сўнг фикрлари билан бўлишди.

“Ливерпуль” — фаолиятимдаги энг яхши жамоа. Бу аниқ! Хет-трик менинг энг яхши ҳолатим бўлдими ёки йўқ билмайман, аммо мен гол уришни яхши кўраман. Шунинг учун ўз кўрсаткичларим ва натижадан хурсандман. Биз сафарда йирик ҳисобдаги ғалабани қўлга киритган, шундай экан бу кеча ҳаммаси ўхшади дейиш мумкин. Салоҳ ва Мане — топ-ўйинчилар. Уларнинг нималарга қодир эканлигини биламиз. Улар менинг ишимни осонлаштирмоқда. Қойилмақом футболчилар. Биргаликда жуда яхши ўйин ўтказдик деб ўйлайман”, — дейди Жота.