«Жисмоний тарбия ва спорт вазири кубоги» мусобақасига қуръа ташланди, эртадан қизиқарли баҳслар бошланади

Бугун «Миллий» стадионда ушбу мусобақалар олдидан матбуот анжумани ҳамда қуръа ташлаш маросими бўлиб ўтди.

Матбуот анжуманида Жисмоний тарбия ва спорт вазирлиги ҳамда Ўзбекистон футбол ассоциацияси масъул ходимлари иштирок этиб, журналистларни қизиқтирган саволларга жавоб қайтарди.

«Жисмоний тарбия ва спорт вазири кубоги» мусобақасининг плей-офф босқичларида жамоалар майдонда 8 кишидан ҳаракат қилишади ва ўйин майдонининг тенг ярмида ташкил этилади. Ҳар бир жамоа захирасидан яна 7 киши жой олади.

Шунингдек, бу мусобақада фақат марказий аппарат ходимлари эмас, балки тизимдаги ташкилотлардан ҳам ҳаваскор футболчилар жамоа таркибига жалб этилиши мумкин. Бундан кўзланган мақсад, корхона-ташкилотлар марказий аппаратида ходимлар камлиги сабабли четдан профессионал ёки ярим профессионал жамоаларда тўп тепаётган футболчиларни жалб этилишининг олдини олишдан иборат.

Қолаверса, «Жисмоний тарбия ва спорт вазири кубоги» мусобақасида профессионал фаолиятини якунлаганига камида беш йил бўлмаган ҳамда ишга қабул қилинганига камида бир йил тўлмаган ходимларнинг қатнашишига рухсат берилмайди. Бу ҳам мусобақанинг ҳалол, шаффоф ва адолатли ўтишига хизмат қилади.

Шундан сўнг илк маротаба ташкил этилаётган «Жисмоний тарбия ва спорт вазири кубоги» мусобақасига қуръа ташланди. Унга кўра жамоалар ўз рақибларини билиб олишди.


«Жисмоний тарбия ва спорт вазири кубоги»

1/32 финал жуфтликлари

Республика маънавият ва маърифат маркази – Давлат Солиқ қўмитаси

«Ўзтрансгаз» АЖ – Мактабгача таълим вазирлиги

«Шарқ» нашриёти ДУК – Туризмни ривожлантириш қўмитаси

Автомобиль йўллари қўмитаси – Молия вазирлиги

«Турон банк» АТ – «Узвторсветмет» АЖ

«Вақф» хайрия жамоат фонди – Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази

«Ўзагротехсаноатхолдинг»АЖ – Ахборот технологиялари ва коммуникацияларни ривожлантириш вазирлиги

Монополияга қарши курашиш қўмитаси – Миллий олимпия қўмитаси

«Кафолат суғурта компанияси» АЖ – Давлат тест маркази

Ўзбекистон ёшлар иттифоқи агентлиги – «Агробанк» АТБ

«Ўздонмаҳсулот» АК – Ўзбекистон миллий телерадиокомпанияси

Марказий банк – Пенсия жамғармаси

Ўзбекистон футбол ассоциацияси – «Ўзбекенерго» АЖ

«Олмалиқ КМК» АЖ – Ўзбекистон миллий электр тармоқлари

«Ўзстандарт» агентлиги – Ўрмон хўжалиги давлат қўмитаси

Иқтисодий тараққиёт ва камбағалликни қисқартириш вазирлиги – Агросаноат мажмуйида хизматлар кўрсатиш маркази

Агросаноат мажмуи устидан назорат қилиш инспекцияси – Халқ таълими вазирлиги ҳузуридаги Таълим маркази

Транспорт вазирлиги – «Ўзбекистон ҳаво йўллари» АЖ

«Ўзагросуғурта» АЖ – «Ўзархив» агентлиги

Олий аттестация комиссияси – «Ўзсаноатқурилишбанк» АТБ

Гидрометеорология хизмат маркази – «Ўзбекчармсаноат» уюшмаси

«Жисмоний тарбия ва спорт вазири кубоги» мусобақасида 53та жамоа қатнашмоқда. 11та жамоа баҳсларга 1/16 финалдан қўшилади. Ўйинлар ҳар куни соат 10:00дан бошланади.

Жисмоний тарбия ва спорт вазирлиги

Матбуот хизмати