Жиру Саудия Арабистонидан тушган таклифни рад этди

Бу ҳақда "Corriere della Sera" хабар берди.

Манбага кўра, ҳужумчи ёзги трансфер ойнасида жамоасини ўзгартиришни режалаштирмаяпти. Жиру 2024 йилги Европа чемпионатида иштирок этишни ўйлаяпти.

"Бизга бир нечта воситачилар мурожаат қилишди, аммо биз рад этдик", – деди агент Майкл Мануэлло нашрга берган интервьюсида.

36 ёшли форвард "Милан"да 2021 йилдан буён ўйнаб келмоқда. Унинг амалдаги шартномаси 2024 йилгача мўлжалланган.

У 2022/23 йилги мавсум Италия клуби сафида 47 та ўйин ўтказиб, 18 та гол урган ва 7 та голга ассистентлик қилган.