Жибриль Сиссе фаолиятини Швейцарияда қайта бошлаши мумкин

Нашрнинг хабар беришича, Сиссе Швейцария учинчи дивизиони жамоаси “Ивердон” билан бир йиллик шартнома имзолайди. Жибриль ўтган йилнинг февраль ойида катта футболдан кетганини эълон қилганди.

Эслатиб ўтамиз, Сиссе профессионал фаолиятини 1998 йили Франциянинг “Осер” клубида бошлаган эди. Шундан у “Ливерпуль”, “Марсель”, “Сандерленд”, “Панатинаикос”, “Лацио”, “Ал-Гарафа”, “Кубань”, “Бастия” жамоаларида тўп тепган. 

«Осер» сафида икки марта Франция чемпионати тўпурари бўлган. Грецияда «Панатинаикос» таркибида ҳам икки марта чемпионат тўпурарига айланган. 

2005 йил «Ливерпуль» билан бирга Чемпионлар лигасида ғолиб чиққан. Франция терма жамоаси либосида 41та учрашувда майдонга тушиб, 9та гол киритган.