Женнаро Гаттузо “Хайдук“ бош мураббийлигидан истеъфога чиқди

Бу ҳақда Хорватия клуби расмий сайти хабар берди.

Мутахассиснинг жамоа билан шартномаси томонларнинг ўзаро келишувига кўра бекор қилинган. Италиялик бу жамоада ўтган йили иш бошлаган. 2024/2025 йилги мавсум якунида “Хайдук” чемпионлик учун даъвогар эди, бироқ Хорватия чемпионати олий дивизиони турнир жадвалида 63 очко жамғариб, учинчи ўринни эгаллади.

Бунгача Гаттузо “Сион”, “Палермо”, ОФИ, “Пиза”, “Милан”, “Наполи”, “Валенсия” ва “Марсел” клубларини бошқарган. Неаполликлар билан мутахассис Италия кубогини қўлга киритган.