Жек Уилшер Чемпионшип жамоаси аъзосига айланди

Футболчи эркин агент эди, шунинг учун "Борнмут" уни бепул қўлга киритди. Ярим ҳимоячи "гилослар" билан 2021 йилнинг ёзига қадар шартнома имзолади. У илгари, яъни 2016/17 йилги мавсумда ҳам "Борнмут" таркибида ўйнаган.

29 ёшли Уилшер "Арсенал" тарбияланувчиси саналади. У "канонирлар" таркибида 198 учрашув ўтказиб, 14 та гол урган ва 30 та голли узатмани қайд этган. Шунингдек, "Болтон" ва "Вест Хэм"да тўп тепган. У Англия терма жамоаси сафида 34 учрашув ўтказган ва 2 та голни ўз ҳисобига ёздириб қўйган. 

"Борнмут" ушбу мавсумда Чемпионшип доирасидаги 24 турдан кейин учинчи ўринда бормоқда.