ЖЧ саралашдаги рақибимиз ўртоқлик учрашувида ғалаба қозонди
19 jan 2021 16:06
News

ЖЧ саралашдаги рақибимиз ўртоқлик учрашувида ғалаба қозонди

Tags : ЖЧ-2022 саралаш Фаластин

Жаҳон чемпионатига саралаш босқичида биз билан битта гуруҳдан жой олган Фаластин назорат ўйини ўтказди.

Қувайт терма жамоаси билан кечган ўртоқлик учрашувида Фаластин МТЖ 1:0 ҳисобида ғалабага эришди. Самеҳ Марааба томонидан киритилган гол фаластинликларга ғалаба келтирди.

Мазкур беллашув Қувайт терма жамоаси бош мураббийи Андрес Карраско учун янги иш жойидаги илк учрашув бўлди. Қувайтликлар эртага яна майдонга тушишади. Бу сафар Ироқ термасига қарши назорат баҳси ўтказилади.

Эслатиб ўтамиз, Фаластин термаси ЖЧ-2022 саралаш босқичининг "D" гуруҳида кураш олиб бормоқда. Бу жамоа шу пайтгача 5та ўйин ўтказиб, 4 очко жамғарган ҳолда охирги ўринда боряпти.

Эсингизда бўлса, айнан Фаластиндан учралган мағлубиятдан сўнг Ўзбекистон терма жамоасининг аввалги бош мураббийи Эктор Купер истеъфога чиқарилганди.