Latest news

14:32Орзу йўлининг муваффақиятли якуни ёхуд ҳар қадамда тарихга кирган Кападзе   2 14:11"Реал" 39 ёшли футболчи билан шартнома имзолаши мумкин?!  3 13:40ЦСКА бош мураббийи клубдан кетишга яқин  4 13:12"Ньюкасл" "Манчестер Юнайтед"нинг собиқ вингерини харид қилиши мумкин  0 12:42Гвардиола Ямал ҳақида: "Афсусдаман, аммо Мессига ўхшаши бўлмайди. Бу имконсиз"  13 12:12Ўзбекистоннинг 17 клуби ОФК лицензиясини қўлга киритди, аммо...  0 11:41Жака Италия гранди сафига ўтиши мумкин  2 11:17Осимхен "Ал Ҳилол"га ўтмоқдами?  1 10:50“Челси“ ва “Арсенал“да ўйнаган футболчи фаолиятини Бразилияда давом эттиради  0 10:33Расман. Ўруновнинг ўрнига Абдихолиқов чақирилди  11 10:17“Челси“ “Барселона“ ярим ҳимоячиси учун 75 миллион евро таклиф қилд  4 09:42“Барселона“ ҳимоячиларидан бири билан шартномани бекор қилишга яқин турибди  1 09:05Жаҳон чемпионати қуръаси қачон бўлади?   31 08:33"Ливерпуль" супер трансфер бўйича келишувга эришди  11 08:02Лазаревич: "Айрим вазиятларда футболчилар бир-бирини тушунишмади"  0

ЖЧ саралаш. Осиё. Навбатдаги турга 3 кун қолди News

ЖЧ саралаш. Осиё. Навбатдаги турга 3 кун қолди

Ноябрь ойида ҳам Осиё минтақасида ЖЧ-2022 саралаш босқичининг иккита тур ўйинлари ўтказилади.

11 ноябрь куни 5-тур учрашувлари ўтказилса, 16 ноябрда 6-тур баҳслари бўлиб ўтади. Шунда биз ушбу ойда жами 12та ўйин гувоҳига айланамиз. 

"A" гуруҳидаги вазият

Ушбу гуруҳда Эрон терма жамоаси 10 очко билан пешқадамлик қиляпти. Форслар 4та ўйиндан учтасида ғалаба қозониб, бир бор дуранг ўйнашди.  Иккинчи ўриндаги Жанубий Корея ҳисобида эса 8 очко бор. 

5-тур учрашувлари. 11 ноябрь

Жанубий Корея - БАА

Ироқ - Сурия

Ливан - Эрон


Жанубий Корея навбатдаги турни ўз майдонида ўтказади. Улар ҳали ғалаба қозонмаган БААни қабул қилишади. Агар БАА яна ғалаба қозона олмаса, унда бу жамоа жаҳон чемпионатига чиқиш орзуси билан хайрлашса ҳам бўлаверади. Гуруҳда охирги ўринларни эгаллаб турган Ироқ ва Сурия Қатар пойтахти Доҳада ўзаро ҳисоб-китоб ишларини олиб борса, Эрон сафарда Ливан меҳмони бўлади. 


"B" гуруҳидаги вазият

Бу гуруҳда Саудия Арабистони терма жамоаси 12 очко билан пешқадамлик қиляпти. 4та ўйинда 4та ғалаба. Австралия эса 9 очко билан иккинчи ўринни эгаллаб турган бўлса, кейинги ўйинларда бораётган Уммон ва Япония ҳисобида бир хил 6 очкодан бор. 

5-тур учрашувлари. 11 ноябрь

Австралия - Саудия Арабистони

Вьетнам - Япония

Хитой - Уммон


Ушбу турда бизни "даҳшатли" тўқнашув кутмоқда. Негаки ҳали мағлубиятга учрамаган Япония "кенгурулар" юртига сафар қилади. Бунгача тўртта ўйиндан учтасини ўз майдонида ўтказган Саудия мана энди жиддий синовдан ўтади. Албатта, Австралия ўз майдонида фақат ғалабани кўзлаб тўп тепиши аниқ, негаки ортда Япония қувиб келяпти. Лекин саудияликлар ҳам қараб турмаса керак. 

Япония терма жамоаси 11 ноябрь куни ҳамма ўйинларда мағлубиятга учраётган Вьетнам майдонида ўйнайди. Хитой эса мезбон сифатида Уммон билан ўйнайди. Мезбон сифатида деганимиз боиси, учрашув Шаржада ўтказилади.

Rating: -5   

Comments

championat.asia
< show latest news
Яндекс.Метрика