Latest news

00:26Манише Феликс ҳақида: "Футбол лойиҳаси бўлиб қолди. Шундай клубларда имкониятлар, аммо у ишлашни хоҳламайди"  0 00:06"Интер" ва Нкункунинг агентлари трансфер шартларини муҳокама қилишмоқда  0 23:41Иван Бошкович: "Бугун нимадир ўхшамади"  0 23:14Суперлига. Пенальтидан тўп киритилмаган ва гол ҳисобга олинмаган ўйинда "Динамо" "Навбаҳор" билан жанговар дурангга имзо чекди  107 23:05Рўзиқул Бердиев: "Қарши ҳужум режасини туздик ва бу ўз мевасини берди"  5 22:50Виталий Левченко: "Катта устунликка эришиб якунда мағлуб бўлиш жуда аламли"  12 22:17Илёс Зейтуллаев: "Стадиондаги муҳит учун мухлисларга раҳмат айтаман"  4 22:00Суперлига. "Сўғдиёна" иккита гол урган ўйинда "Насаф" ғалаба қозонди  32 21:43Таҳлил. Бугун Фарғонада "Нефтчи" эмас Левченко ютқазди, Зейтуллаевга 5 баҳо  16 21:39"Челси" форварди АПЛнинг бошқа клубига ўтишга яқин  1 20:56Суперлига. "Бунёдкор" Фарғонада "Нефтчи"ни мағлуб этди  75 20:20"Барселона" Рэшфордни рўйхатдан ўтказиш учун кимни сотиши мумкинлиги маълум бўлди  11 19:31Нуньес эндиликда "Милан"нинг ҳужумчи позицияси учун асосий номзодидир  1 18:50Расман: Рамсдейл янги клуб билан шартнома имзолади  0 18:34Эдерсон янги клуб билан келишувга эришди  1

ЖЧ саралаш. Иккита йўлланмага учта даъвогар: ким дўпписини осмонга отади? News

ЖЧ саралаш. Иккита йўлланмага учта даъвогар: ким дўпписини осмонга отади?

Осиёда жаҳон чемпионати саралаш баҳсларининг учинчи босқич тугашига 2 тур қолди.

Айни пайт "B" гуруҳида жуда қизиқ вазият юзага келган. Негаки тўғридан-тўғри иккита йўлланма учун учта терма жамоа кураш олиб боряпти. Гуруҳ пешқадами Саудия Арабистони 19 очко тўплаган бўлса, Япония 18 очко билан иккинчи, Австралия эса 15 очко тўплаган ҳолда учинчи ўринни эгаллаб турибди. 

27 январь ва 1 февраль кунлари ўтказилган икки турда Саудия Арабистони ғалаба ва мағлубият қайд этди. Эрве Ренар шогирдлари уйда Уммонни 1:0 ҳисобида мағлуб этиб, сафарда Японияга 0:2 ҳисобида имкониятни бой беришди. 

Япония кетма-кет иккита баҳсни ҳам бир хил 2:0 ҳисобида якунлади. "Самурайлар" дастлаб Хитойни, сўнгра Саудия Арабистонини худди шу ҳисоб билан мағлуб этишди. Австралия эса бир ғалаба ва бир дуранг қайд этди. "Кенгурулар" аввалига Вьетнамни 4:0 ҳисобида мағлуб этиб, кейин сафарда Уммон билан 2:2 ўйнашди.


Шундай қилиб қишки ўйинларда Япония 6, Австралия 4 ва Саудия Арабистони 3 очко тўплади. Мана шу 6 очко туфайли Япония терма жамоаси гуруҳдаги аҳволини анча яхшилаб олди ва эндиликда пешқадам Саудиядан атиги бир очкога ортда қоляпти. Ваҳоланки, учинчи босқич бошида японлар учта ўйиндан иккитасида мағлубиятга учраганди. 

Гуруҳ ўйинлари тугашига 2та тур қолганини ҳисобга олсак, буёғига кураш янада қизғин кечиши турган гап. Зеро, ҳар учала терма жамоада ҳам тўғридан-тўғри ЖЧ-2022га бориш имконияти мавжуд. Лекин фақат кимгадир жуда алам қилади, чунки гуруҳда учинчи бўлиб, плей-оффда қолади. 

24 март. 9-тур

Австралия - Япония

Хитой - Саудия Арабистони

29 март. 10-тур

Япония - Вьетнам

Саудия Арабистони - Австралия

Охирги икки турда уч жамоанинг ўйинлар тақвими шундай кўриниш олган. Австралия терма жамоасини бирмунча қийин тақвим кутмоқда: улар ҳам Япония, ҳам Саудия Арабистони билан ўйнайди.

P.S. Гуруҳдаги қолган уч жамоа - Уммон, Хитой ва Вьетнам жаҳон чемпионатига чиқиш орзуси билан хайрлашиб бўлди. Бу жамоаларда ҳатто 3-ўринни олиш учун ҳам имконият қолмаган.

Rating: +12   

Comments

championat.asia
< show latest news
Яндекс.Метрика