ЖЧ-2022 саралашдаги рақибимиз Саудия Арабистони бугун тўлиқ таркибда йиғилди

ЖЧ-2022/Осиё Кубоги-2023 саралаш босқичидан ўрин олган мазкур беллашувга қизиқиш катта. Келаси ҳафтанинг пайшанба куни "Пахтакор" стадионида бўлиб ўтадиган баҳсда ўйингоҳ тўлиши кутиляпти. 

Рақибимиз Саудия Арабистони бугун тўлиқ таркибда йиғилди. Биласиз, кеча "Ал Ҳилол" ОЧЛ биринчи финал ўйинида майдонга тушиб, "Урава Редс" устидан 1:0 ҳисобида ғалаба қозонди. Бу клубдан терма жамоа 7 футболчи таклиф этилган бўлиб, олти нафари кечаги ўйинда иштирок этди. 

Шу боис терма жамоа "Ал Ҳилол" футболчиларисиз машғулот ўтказиб келаётганди. Бугун эса саудияликлар тўлиқ жам бўлишди. Терма жамоа Тошкентга парвоз қилишдан олдин Саудия Арабистони футбол федерацияси раҳбарияти футболчи ва мураббийлар штаби билан учрашди.