ЖЧ-2022 саралаш. Австралия терма жамоасининг кайфияти чоғ
08 oct 2019 10:10
News

ЖЧ-2022 саралаш. Австралия терма жамоасининг кайфияти чоғ

Tags : Австралия ЖЧ-2022 саралаш

Австралия терма жамоаси ЖЧ саралаш босқичидан ўрин олган навбатдаги икки ўйинга қизғин ҳозирлик кўрмоқда.

"Соккерузлар" 10 октябрь куни уйда Непални қабул қилишса, 15 октябрда Хитой Тайпейи меҳмони бўлишади. Австралия терма жамоаси саралаш баҳсларини Қувайт устидан 3:0 ҳисобидаги ғалаба билан бошлади. Жамоа бош мураббийи Грэхэм Арнольд ғалабадан хурсанд эканини яширмади.

Энди бўлса навбатдаги икки беллашувда ҳам Австралия олти очко олиш ниятида. Куни кеча футболчилар мухлислар учун дастхат-шоу ташкил этишди. Кўплаб мухлислар дастхат олиш ҳамда эсдалик суратга тушиш мақсадида стадионга ташриф буюришди.