ЖЧ-1990 финали бош ҳаками: "Марадона - мен кўрган энг ёмон инсонлардан бири"

"Ҳали ҳам мени ёмон кўрадиган аргентиналиклар қолганидан афсусдаман. Ҳозиргача ҳам улардан оилам ўлиб кетиши ҳақида хабарлар қабул қилиб оламан.

Марадонани ўшанда ўйинга қадар ҳам четлатишим мумкин эди - у мадҳияни ҳақорат қилди. У зўр футболчи бўлган, бироқ ёмон одам эди. У ҳаётимда учратган энг ёмон инсон", - деди арбитр.

Эслатиб ўтамиз, финал ГФР термасининг 1:0 ҳисобидаги ғалабаси билан якунланган, ягона гол пенальтидан урилганди. Учрашув давомида икки нафар аргентиналик футболчига қизил карточка берилганди.