Жавоҳир Соҳибов: "Қўлга киритилган натижадан хурсандмиз"

"Ўйин қийин кечди. Асосийси кутилган натижа қўлга киритилди. Терма жамоамизга янги бош мураббий келганидан сўнг кетма-кет еттита учрашувда ғалабага эришдик ва гуруҳда биринчи ўрин билан кейинги ҳал қилувчи босқичга йўл олдик. Бундан албатта хурсандмиз. Кетма-кет қўлга киритилган еттита ғалабани кутгандик. Агарда ғалабага ишонмасанг, унда мақсад сари интилолмайсан. Шу боис ўз мақсадимиз йўлида ҳаракат қилдик ва албатта ғалабаларга ишонгандик. Кейинги босқич бунданда қийин  кечиши аниқ. Шу сабабли икки баравар куч билан ўйнашимизга тўғри келади. Ўйлашимча, биз ҳар ўйинда жуда яхши ўйнадик. Тўғри, бугун қаердадир кутилган ўйинни намойиш этолмагандирмиз. Аммо гуруҳни жуда ажойиб кайфиятда якунладик. Ҳар бир ўйин ўзича қийин. Самвел Бабаяннинг ҳар бир жамоага қарши тайёрлаб қўйган ўзининг алоҳида тактикалари мавжуд. Олдимизда ҳали етарлича вақт бор. Жиддий тарзда тайёргарлик олиб бориб, ўз устимизда ишлаймиз. Камчиликларни эса бартараф этамиз", - дейди Жавоҳир Соҳибов.