Жавоҳир Сидиқов: "Ҳаракатларимдан кўнглим тўлмади"

- Қатарнинг деярли ҳар бир ёшдаги терма жамоасига қарши ўйнаганмиз. Феликс Санчес (бош мураббий) кўп йиллардан бери Қатарнинг турли ёшдаги терма жамоаларида ишлаб келмоқда. Бугун кучли жамоага қарши ўйнадик дея оламан. Баҳсга тўғри тайёргарлик кўрганимиз ва мураббийнинг кўрсатмаларининг бажарганимиз ушбу учрашувдаги ғалабамизнинг асосий омили бўлди деб ўйлайман.

- Қатарга қарши баҳс олдидан Эктор Купер олдингизга қандай вазифа қўйди?
- Бош мураббий бу учрашувда тўпни йўқотишдан, босимдан қўрқмасдан, бор маҳоратингни, имкониятинги кўрсат, ушбу баҳс сен учун катта имконият деди. Шу гапнинг ўзи профессионал футболчига етарли деб ўйлайман.

- Ўз ўйинингизга қандай баҳо берасиз?
- Биринчи марта Ўзбекистон терма жамоасининг Тошкентда ўтказган ўйинида асосий таркибда майдонга тушдим. Тўғрисини айтсам, ҳаракатларимдан кўнглим тўлмади.