Жавлон Гусейнов: “Вазиятлардан унумли фойдалана билмаслик қимматга тушмоқда”

Мазкур учрашувда мезбонлар сафида мазмунли ўйин намойиш этган ҳимоячилардан бири бу – Жавлон Гусейновдир. Жарохатлардан фориғ бўлиб аста-секин аввалги спорт формасига кириб бораётган футболчи ўйин тўғрисида ўз фикрларини билдириб ўтди.

- Нима дейиш мумкин? Ўйин қийин бўлишини барча бирдек ҳис этиб турганди. Амалда шундай ҳам бўлди. Ўзингизга яхши маълумки, бизга айни дамда ҳар бир қўлга киритилган очко сув ва ҳаводек зарур. Шу боис “Насаф”га қарши баҳсда ҳам имкон қадар очко жамғаришга харакат қилдик.

- Назаримда дуранг ўйинга мос бўлди. Рақибда ҳам бизда ҳам гол уриш учун имконият бўлганди. Муросасиз кечган ўйин мухлисларга ҳам ёқди деб ўйлайман.

- Бир нечта ўйинлардан буён вазиятлардан унумли фойдалана олмаяпмиз. Бу эса бизга қимматга тушмоқда.Насиб қилса кейинги беллашувларда омад биз томонда бўладиган деган умиддаман.

“Андижон” матбуот хизмати.