Жавлон “Бунёдкор”да, Шоҳназар “Акжайик”да

Жумладан, 23 ёшгача бўлган йигитлар ўртасидаги Осиё чемпионатида иштирок этган Жавлон Мирабдуллаев гуруҳ ўйинлари тугагач БААга “Бунёдкор”нинг ўқув-машғулот йиғинига бориб қўшилди. Аслида Мирабдуллаев “Бунёдкор” билан қитъа чемпионатига қадар келишувга эришганди. Фақатгина бу битимни Олимпия ўйинлари саралаш баҳсларидан кейин ишқибозлар эътиборига етказишга келишиб олишганликлари боис янгилик энди матбуот юзини кўрди. “Бунёдкор” таркибига фаолият юритаётган экс-металлургчи Шаҳзодбек Нурматов эса кеча “Анжи”га қарши ўйинда майдонга тушди ва махачқалъаликлар дарвозасига киритилган иккинчи гол муаллифи бўлди. бу ўйинда “Бунёдкор” 3:2 ҳисобида ғалаба қозонди.

“Металлург”нинг ёш ва иқтидорли ҳужумчиларидан бири Шоҳназар Норбеков эса Қозоғистоннинг “Акжайик” жамоаси таркибида кўриниш берди. Мазкур клуб айни пайтда Туркиянинг Белек шаҳрида йиғин ўтказмоқда. Кеча “Акжайик” Озарбайжоннинг “Сумгаит” жамоасига қарши назорат учрашувини ўтказди ва Норбеков 45 дақиқа майдонда тўп сурди. 2015 йилги мавсум ярим ҳимоя чизиғида фаолият олиб борган Алишер Зиёвуддиновнинг эса “Шўртан” клуби йиғинларида қатнашаётганлиги ҳақида маълумотлар бор. Бекободлик мухлислар ва клуб раҳбарияти “Металлург” жамоасининг муваффақиятида муносиб улуш қўшган бу футболчиларнинг барчасига миннатдорчилик билдирада ва уларнинг келгуси фаолиятларига омад тилайди.