Жасур Жалолиддинов "Андижон" раҳбариятининг розилигисиз "Локомотив" билан келишган

Аммо, кўп ўтмай "Андижон" жамоаси бу ҳақдаги хабарга раддия берди.

"Андижон" спорт директори: "Жасур Жалолиддинов "Локомотив"га ўтгани йўқ"

Гап шундаки, Жасур Жалолиддинов қийин вазиятда ўзига имконият берган клуб раҳбарига билдирмасдан "Локомотив" билан музокарага келишган. Ўз навбатида "Локомотив" водийликларнинг рухсатисиз бу ўтиш ҳақида хабар берган. Бу эса иккинчи жамоа учун ҳурматсизлик.

Жалолиддинов эса 2018 йилда ўзини шу даражага етишида катта хизмат қилган агенти билан шартномани бекор қилиб Юрий Белоус билан "қўл" қўйган ва "Локомотив" (Москва) қармоғи учун хўрак вазифасини бажариб берганди. Кейинчалик, у Белоусдан алоҳида ишлашга ёрдам берган янги ҳамкорларни чув туширди. Айнан янги ҳамкорлар уни "Андижон" жамоасига ўтишида муносиб ҳисса қўшдилар ва у 1-даврани тўлиқ ўйин амалиётига эга бўлган ҳолда якунлади. Бу борада "Андижон" клубининг раҳбари Журъат Қувватов унга катта ёрдам берган эди.

Қизиғи шундаки, "Бешиктош" турганида "Локомотив"ни танлаган футболчи, якунда у ердан қайтиб келди. Энди эса унинг иши билан шуғулланаётган ҳамкорлар "Порту Б" ва "Сассуоло" билан музокара олиб бораётган бир вазиятда бошқа бир "Локомотив"ни танлади. "Локомотив" ижтимоий тармоғидаги хабардан кейин, "Сассуоло" жамоаси Жалолиддинов масаласига ўзи учун нуқта қўйди.

ВИДЕО  Микаэль Секейра: "Жасур Жалолидинов билан келишувга эришилди? Бундан бехабарман"