Latest news

09:43Испания терма жамоасининг бўлажак ўйинлар учун таркиби маълум  0 09:16"Манчестер Сити" ҳимоячиси учун курашга "Тоттенхэм" ҳам қўшилди  0 08:48Here we go! "Арсенал" яна бир трансферни якунлади  3 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  11 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  8 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5

Жасур Абдураимов: "Кейинги йил "Пахтакор"га бир қанча яхши футболчилар олиб келинади" News

Жасур Абдураимов: "Кейинги йил "Пахтакор"га бир қанча яхши футболчилар олиб келинади"

"Пахтакор" - "Навбаҳор" (0:0) учрашувидан сўнг мезбонлар ёрдамчи мураббийи Жасур Абдураимов матбуот анжуманида иштирок этди.

"Яхши ўйин бўлди. Иккала томондан курашларга бой баҳс бўлди. "Пахтакор" томонидан ҳужумкор ўйин, "Навбаҳор" томонидан қарши ҳужумларга таянилган ўйин кўрдик. Меҳмонларга бир очко билан табриклайман. Ҳалол футбол бўлди, кимнинг омади келса ўша ютади. Мана шундай ўйинлар кўп бўлишини истайман", - дейди Жасур Абдураимов.

- Шота Арвеладзе келганига бир йилдан ошди. Ҳеч қандай натижа кузатилгани йўқ. Қачон жамоа чемпионлик ёки кубокни ютади?
- Барча нарсага вақт керак. Ҳеч қайси сеҳргар келиб бир йилда барчасини қилмайди. Биз охиригача чемпион бўлиш учун курашамиз. Мен клубда 15 йилдан буён ишлаб келаяпман. Ҳозир клубдаги барча-барча натижа бўлиши учун ҳаракат қилишмоқда, аммо бу футбол. Қаерда натижа бўлади, қаердадир йўқ.

- Кубок финалида ютқазилди, чемпионлик ҳам деярли қўлдан кетди. 2019 йилда ҳам мана шу қолоқ футболчилар билан ўйнайсизларми?
- Кейинги йил бир қанча яхши футболчилар олиб келиш режалаштирилмоқда. Улар орасида собиқ "пахтакорчилар" ҳам бор. 3-4та позиция кучайтирилади. Бир нарсани тушунинг, қайсидир футболчи бошқа клубда етакчи бўлиши мумкин аммо "Пахтакор"да бундай бўлмаслиги мумкин. "Пахтакор"га келган футболчида чемпионлик руҳи пайдо бўлиши учун вақт керак.

- Бир ярим йил шундайлигича ўтиб кетди...
- Нега энди? "Пахтакор" ҳалол футбол ўйнамоқда. Финални қаранг, агар биз АГМКни мағлуб этганимизда "Пахтакор" сотиб олди дейишарди тўғрими? Биз ҳалол ўйнадик. Ҳалол футболда ютиш ва ютқазиш мумкин. Мураббийлар ёки футболчилага ҳалол бўлмаган ўйин орқали ютиш роҳат бағишлайди деб ўйлайсизми? Негадир журналистлар шундай нарсаларни ёзишмайди. Мана ҳалол футбол бўлди шуни ёзинглар. Ёки бугун "Пахтакор" сафида олимпия терма жамоасига номзод икки футболчи ўйнади - Жаҳонгир Аҳмадов ва Жасур Яхшибоев. Шуларни ёзинглар. Тўғри танқид ҳам керак, аммо яхши нарсаларни кўпроқ ёзиш керак деб ўйлайман.



 
Rating: -51   

Comments

championat.asia
< show latest news
Яндекс.Метрика